نبذة عن الاناتومى(التشريح)

بعد ما اتكلمنا شوية عن الفسيولوجى ان شاء الله هنتكلم النهاردة عن الاناتومى(التشريح)
مادة لا تقل اهمية عن الفسيولوجى ونفس الدرجة فى الامتحان 250 بس ان شاء الله هتكون اسهل من الفسيولوجى وهتحبها كتير
وكمان قسم الفسيولوجى يعتبر احسن قسم فى الكلية من حيث الدكاترة وتفاهمهم وقربهم من الطلبة والتنظيم وكل حاجة
ولو فهمتها كويس هتسهل حفظها كتير لانها معتمدة على تخيلك لشكل العضوOrgan او العضلة Muscleاو الوعاء الدموى vessel ووصفك ليه وكل ما كنت معلم كل حاجة بعلامة بحيث تعرف بدايتها ايه ونهايتها ايه وماشية ازاى هتسهل كتير لان الاناتومى باختصار هو وصف اجزاء جسم الانسان اللى انت بتشوفها بعينك
سواء من الداخل او من الخارج
فبلاش تحفظه كدة من غير ما تشوف صور او فيديو للحاجة اللى انت بتذاكرها عشان تثبت اكتر عشان لو نسيت تعرف تتخيل شكل الصورة او الفيديو
والاناتومى متقسم على 6 اجزاء
1-Introduction وده جزء صغير جدا وبسيط ان شاء الله وعليه فى الامتحان من 5-10 درجات اخر السنة وبيتكلم بصفة عامة عن الاناتومى وبعض الصطلحات الاساسية اللى هتكمل معاك على طول
2-Upper limb وده بيتكلم عن الطرفان العلويان زى ما كان فى الاحياء بس طبعا على توسع اكبر وعليه فى الامتحان من 15-20 درجة
3-Thorax بيتكلم عن منطقة الصدر والقلب والرئة وعليه من 15-20 درجة
4-Abdomen بيتكلم عن منطقة البطن وعليه من 15-25 درجة
5-Pelvis بيتكلم عن منطقة الحوض وعليه من 15-25 درجة
6-Embryology بيتكلم عن الاجنة وعليه حوالى20 درجة
وتوزيع الدرجات ممكن يحصل فيه تغيير كل سنة عن التانية بس هيكون ان شاء الله فى الحدود المكتوبة ودى توزيع درجات سنة 2013

اما امتحان نص السنة عليه 45 درجة وكله اختيارى(MCQ)

وفى امتحان عملى وشفوى اخر السنة وهنتكلم ان شاء الله على الامتحانات على بعضها فى موضوع لوحده

اهم حاجة بلاش تراكم حاجة على بعضها وحاول على قد ما تقدر تخلص اول بأول وهتلاقيها مادة جميلة ان شاء الله

وبالتوفيق للجميع

» نبذة عن الفسيولوجى
» نبذة بسيطة عن البايو(الكيمياء الحيوية)..والهستولوجى
» شرح نظرى وعملى الاناتومى
» جارات متحف التشريح
» جارات متحف التشريح