منتدى طب المنصورة
النهاردة هنتكلم عن الاسعافات الأولية للجروح :
* الأول الجرح دا بيبقى قطع فى أنسجة الجسم سواء كان قطع داخلى أو خارجى
* تصنيف الجروح :
1- الجرح المفتوح : بيبقى فى قطع فى الجلد
2- الجرح المغلق : بيبقى حصل اصابة للأنسجة الداخلية بدون قطع الجلد
* أشكال الجروح (هتلاقوا الصور بتاعتها تحت) :
1- السحجات اللى هى الجروح البسيطة يعني لما تقع ع الأرض بيتعور تعاوير بسيطة بتبقي علي سطح الجلد بس مش بيبقي جروح قطعية ق الجلد أو اللي تحت الجلد
2- الجرح القطعى
3- الجرح الوخزى
4- الجرح المتهتك
5- الجرح الرضى
6- البتر
* طيب ازاى بيتفاعل الجسم الجسم مع اصابات الجروح ؟
1- تنقبض نهايات الأوعية الدموية
2- تكوين الجلطة
* ايه مضاعفات الجروح
1- الالتهابات بالجروح
2- النزيف
3- الصدمة
* الاسعافات الأولية اللى انت بتعملها :
1- يغطى الجروح فورا بغيار نظيف أو معقم
2- فى حالة وجود نزيف يجب العمل على ايقافه فورا
3- اذا صاحب الجرح صدمة يجب علاجها
4- فى حالة إصابة الأعضاء الداخلية تتخذ الإجراءات فورا لنقل المريض للمستشفى
* إزاى نغير على جرح؟
طبعا الأول اى جرح نتأكد انه مفيهوش نزيف داخلي ومش محتاج غرز وإلا نوقف النزيف ونخيط الجرح الأول
الغيار إزاى:
ينظف حوله بقطعة قطن مغموسة فى الماء والصابون ويكون اتجاه التنظيف من حول الجرح إلى الخارج
- نغسل الجرح كويس جوا الجرح والمنطقة اللي حوله بمحلول ملح وبعدين ماء أكسجين وبعدين بيتادين
- ممكن نضيف مرهم مضاد حيوي مثل fucidin ونضع الـ dressing وشاش وبلاستر
- حقنه تيتانوس لو سنه فوق الـ 10 سنوات (بعد عمل اختبار حساسية)
-نكتب للمريض على مضاد حيوي velosef 500 كل 8 ساعات
ومسكنbrufen 400 tab ثلاث مرات
* هل اى مجروح يأخذ التيتانوس؟
التيتانوس لا داعي لإعطائه لكل شخص مجروح إنما يعطى للأشخاص اللي يحتمل ان جرحهم يكون تلوث بفضلات الحيوانات و خصوصا الخيل..... مثلا الأحواش و الجناين
(لوجود السماد الطبيعي المصنوع من فضلات الحيوانات)
أما الجروح في المنازل و المكاتب و الأماكن النظيفة فلا داعي للتيتانوس.... و ذلك لأن الميكروب نفسه مصدره فضلات الحيوانات مش الأشياء المغطاة بالصدأ .
*هل اى جرح يخيط؟
هناك ملحوظة ان الجرح لا يخيط إذا مرت 6 ساعات عليه.
الجروح الناتجة عن عض الحيوانات لا تخيط و تغسل بالماء و الصابون
الجروح القديمة يجب التأكد من خلوها من الصديد بالضغط حوالين الجرح.
* إذا كان الجرح ينزف :
يوضع غيار فوق الرباط ويربط برباط أخر
الضغط المباشـر 10 دقائق
الرفع
الضغط على الشريان الذي يمد المنطقة المجروحة
عدم تحريك الجزء المصاب
يمكن إستخدام كيس ثلج للمساعدة في وقف النزيف و يخفف الألم و يمنع الجسم من إمتصاص المواد الملوثة من الأداة
* الجروح البترية
1- نقل الجزء المقطوع مع جسم المصاب إلى المستشفى
2- يلف الجزء المبتور بشاش معقم ويوضع في كيس بلاستيك به قطع من الثلج ( لا يلمس الثلج )
* الأجسام الغريبـة فى الجروح ( الصور تحت )
1- ازالتها اذا كانت غير لاصقة و سطحية
2- إذا كان الجسم عالقاً
• لا تنزع الجسم الغريب .
• لا تستخدم الضغط المباشر
• ضماد حلقي: يشكل حلقة حول الجسم الغريب و يثبته.
مكان الجرح الوخزي ( النافذ)
1- جرح نافذ للصدر
• يفرغ المصاب صدره من الهواء بزفير طويل
• وضع شاش طبي نظيف و فوقها قطن ثم ألصق من ثلاث جهات فقط
• يجلس دائماً المصاب في وضعية مريحة (جالس بزاوية 45)
• إطلب المساعدة.
• عالج أعراض الصدمة إن وجدت لحين وصول المساعدة.
2- جرح نافذ البطن
• يجب أن يكون المريض مستلقياً على ظهره.
• لا تلمس الأمعاء بيدك بل غطها بغطاء رطب نظيف و لا تحاول إعادتها إلى البطن. • لا تستخدم الضغط المباشر لوقف النزيف ،ضع الضمادة حول الجرح ثم ضمد ليكون الضغط حول الجرح.
• غطي الجرح بغطاء رطب نظيف .
• عالج الصدمة ، بوضع المصاب في وضعية الصدمة.
• إطلب المساعدة .
* الكـــــدمـــات
1- ماء بارد ولعدة مرات.
لايحتاج إلى غيارات ولا حقنة التيتانوس
منقول للامانة وجزى الله صاحبه كل خير
الأربعاء سبتمبر 20, 2017 5:35 pm
موضوع: الاسعافات الأولية للجروح (شرح نظرى) 
الأحد فبراير 01, 2015 8:19 pm
