نبذة بسيطة عن البايو(الكيمياء الحيوية)..والهستولوجى

ان شاء الله هنتكلم النهاردة عن اخر مادتين وهما البايو والهستولوجى وان شاء الله يكونوا أخف شوية من الفسيولوجى والاناتومى بس اكيد معلش عاوزين حفظ شوية وده طبيعى فى كل المواد اللى هتشوفها عاوزة فهم وحفظ كتير شوية بس ان شاء الله بتنظيمك لحفظك واسلوبك فيه وفهمك الكويس هتسهل كتير عليك

نبدأ بالبايو:-

الكيمياء الحيوية Biochemistry
ودي بتتكلم عن التفاعلات الكيميائية داخل الخلايا والمواد الكيميائية اللي بيحتاجها الجسم
وهي تتكون من 6 فصول :-
1- البروتينات Proteins
2-الانزيمات Enzymes
3-الفيتامينات Vitamins
4-الكربوهيدرات Carbohydrates
5-الدهون Lipids
6-DNA

بالنسبة للمذاكرة فكتاب القسم كويس وفى مذكرات الدكتور هشام منصور واحمد محسن كويسين جدا كمان.. واختار حاجة واحدة بعد ما تقتنع بيها وثبت مذاكرتك منها على طول

وبجد هى مادة جميلة وان شاء الله هتعجبك بس عاوزة حفظ شوية كمان وعود نفسك على كدة فى كل المواد (فهم+حفظ كتير )

بالنسبة للدرجات:-
150 درجة على المادة كلها
ونص السنة (أعمال السنة) :25 درجة
*-*-*-*-*-*-*-*-*-*-*-*-*-*-*-*-*
مادة دراسة الأنسجة Histology
ودي من اسمها بتتكلم عن دراسة أنسجة الجسم المختلفة وازاي بنشوفها تحت الميكروسكوب الضوئي والالكتروني

ودى متقسمة على 15 فصل فى كتاب واحد حوالى 290 صفحة تقريبا

وبصراحة المادة دى بالذات طلبة كتير بيستهتروا بيها عشان تعتبر اقل المواد فى الكم وفهمها ممكن يكون ابسط منهم كمان بس بصراحة حفظها كتير ورخم شوية وبيتنسى بسهولة

اعتبرها زى بقية المواد واهتم بيها من اول السنة وان شاء الله هتكون كويسة

بالنسبة للدرجات :-
وهي 150 درجة :-
ونص السنة(أعمال السنة):25 درجة

وان شاء الله هنتكلم بتفصيل اكتر من كدة قريب عن المواد تانى ككل بأسلوب تانى

وبالتوفيق للجميع ان شاء الله

ودمتم فى رعاية الله